काभ्रे : काभ्रेमा बिहानैदखि शान्तिपूर्ण तरिकाले मतदान भइरहेको छ। जिल्लामा रहेको १ सय ८९ मतदान स्थलको ३ सय ५० मतदान केन्द्रमा नै मतदान शान्तिपूर्ण रुपमा सञ्चालन भइरहेको प्रमुख निर्वाचन अधिकृत अर्जुन अधिकारीले जानकारी दिए।

जिल्लामा २ लाख ७२ हजार २ सय ९२ मतदाना निर्वाचनजमा सहभागी भइरहेका छन्। निर्वाचनका लागि भन्दै जिल्लामा २८ सय कर्मचारी घटाइएको छ भने शान्ति सुरक्षा अत्यन्तै कडा पारिएको छ। बिहानैदेखि नेपाली सेना र सशस्त्रले बाहिरी घेरामा सुरक्षा दिइरहेको छ भने नेपाल प्रहरी र जनपथ प्रहरीले मतदान स्थल भित्र सुरक्षा दिइरहेको छ। ३५ सय सुरक्षाकर्मी खटाइएको छ। जिल्लामा हालसम्म कुनै पनि अप्रिय घटना नघटेको प्रमुख जिल्ला अधिकारी शिवप्रसाद सिम्खडाले जानकारी दिए।