• निर्वाचन समाचार
advertisement

बढी मतदाता रहेको मोरङमा ५५ प्रतिशत मतदान

किशोर बुढाथोकी/कुमार लुइँटेल | बिहिबार, २१ मङि्सर २०७४

प्रदेश १ मोरंग


विराटनगर ५ मा रहेको कोचाखाल मतदान केन्द्रमा मत खसाल्न लाममा बसेका महिला र युवती। तस्बिर : बासु पौडेल

विराटनगर : मुलुककै सबै भन्दा बढी मतदाता रहेको मोरङमा दिउँसो तीन बजेसम्ममा ५५ प्रतिशत मत खसेको छ। 

मुख्य निर्वाचन अधिकृत राजकुमार खतिवडाका अनुसार छ वटा निर्वाचन क्षेत्र रहेको मोरङमा तीन सय मतदान स्थलका सात सय ५८ केन्द्रमा मतदान जारी छ। बिहीबार विहान सात बजेबाटै मतदान सुरु भएको थियो। चिसोका कारण एकाबिहानै मतदाता मत खसाल्न मतदान केन्द्रमा नआए पनि बिहान ९ बजेबाट भने भीड लागेको थियो। भीड सम्हाल्न सुरक्षाकर्मी र स्वयंसेवकलाई हम्मेहम्मे परेको थियो। ‘मतदान शान्तिपूर्ण र सौहार्दपूर्ण वातावणमा भइरहेको छ,’ खतिवडाले भने, ‘मतदान केन्द्रमा मत खसाल्नेको भीड अत्यधिक छ।’ 

मोरङ प्रहरी प्रमुख एसपी अरुणकुमार बिसीले सबै मतदान केन्द्रको सुरक्षा व्यवस्था कडा पारिएको जनाए। उनले सुरक्षा व्यवस्था मजवुत बनाइएका कारण अहिलेसम्म कुनै पनि घटना र समस्या आएका छैनन्। ‘निर्वाचन शान्तिपूर्ण रुपमा भइरहेको छ,’ उनले भने, ‘कुनै अप्रिय घटना भएको छैन।’ चुनावी सुरक्षाका लागि परिचालित सेनाले पनि आफ्नै हिसावमा सुरक्षा प्रदान गरिरहेको जनाएको छ। 

अशक्त, बिरामी, अपाङ्गता भएका र बृद्धबृद्धा सहयोगीका साथमा मतदान गर्न पुगेका छन्। मतदान केन्द्रमा पुगेपछि उनीहरुलाई लाइनमा नराखिकन प्राथमिकता दिने गरिएको जानकारी खतिवडाले दिए। मोरङमा छ लाख ४४ हजार सात सय ८२ मतदाता छन्। 

 

कमेन्ट गर्नुहोस्

अन्य समाचार


nepal_election_news

दाङमा समानुपातिकमा कांग्रेस पहिलो

प्रत्यक्ष निर्वाचन प्रणालीको नतिजा सार्वजनिक भएलगतै जिल्लामा सुरु भएको समानुपातिको मतगणना सम्पन्न भएको छ। प्रत्यक्षमा प्रतिनिधिसभामा कुनै सिट...

nepal_election_news

स्याङ्जा २(ख)बाट का‌ंग्रेसका भागवतप्रकाश मल्ल विजयी

नेपाली कांग्रेसको राम्रो जिल्लाको रुपमा मानिएको स्याङ्जाको एक प्रदेशमा मात्र नेपाली कांग्रेसले विजयी हात पार्न सफल भएको छ...

nepal_election_news

नवलपरासीमा माओवादी केन्द्रका सबै उम्मेदवार पराजित

पूर्वी र पश्चिम नवलपरासीमा वाम गठबन्धनबाट उम्मेदवारी दिएका माओवादी केन्द्रका सबै उम्मेदवार पराजित भएका छन्। दुई जिल्लाबाट माओवादी...

nepal_election_news

कैलाली १ मा रेशम चौधरी २१ हजार मत अन्तरले विजयी

टीकापुर काण्डका प्रमुख अभियुक्त आरोपित रेशमलाल चौधरी कैलाली क्षेत्र नम्बर १ बाट प्रतिनिधिसभा सदस्यमा भारी मत अन्तरले विजयी...

nepal_election_news

पर्वत समानुपातिकमा एमाले पहिलो दल

पर्वत जिल्लामा समानुपातिक तर्फको मतगणनामा सम्पन्न भएको छ । मंगलवार बिहान सकिएको समानुपातिक तर्फको मतणनामा एमाले पहिलो दल...

nepal_election_news

सर्लाही ४ को मतगणना ३३ घण्टापछि सुरु

आइतबार मध्यरातदेखि स्थगित भएको सर्लाही क्षेत्र नम्बर ४ को मतगणना ३३ घण्टापछि मंगलबार बिहानदेखि सुरु भएको छ। विवादित...

प्रदेश १ समाचार