सिन्धुली: सिन्धुलीमा दिउँसो ४ बजेसम्ममा ५५ प्रतिशत मत खसेको छ। मुख्य निर्वाचन अधिकृत पुण्यश्वर प्रसाद उपाध्यायका अनुसार सिन्धुलीका १३७ मतदानस्थल र २४० मतदान केन्द्रमा गरी ५० प्रतिशत मत खसेको हो। १ लाख ८१हजार ५१६ मतदाता रहेको सिन्धुलीमा स्थानीय तहको तुलनामा कम मत खस्ने अनुमान गरिएको छ।

जिल्लाभर शान्तिपूर्णरुपमा मतदान भइरहेको जिल्ला निर्वाचन कार्यालयले जनाएको छ। मतदाता नामावलीमा क्रमसंख्या नमिलेका कारण केही मतदान स्थलमा विवाद भएको थियो। तर नामका आधारमा त्यस्ता मतदातालाई पनि मतदान गर्न दिने सहमति भएपछि मतदान सुरु भएको थियो। 

किरियापुत्रीद्वारा मतदान
कमलामाई नगरपालिका ७ का वडा अध्यक्ष लगायतले किरिया बसेका कर्णबहादुर घिसिङले मतदान गरेका छन्। कमलामाई नगरपालिका ७ स्थित गडौली माविबाट वडाअध्यक्ष घिसिङले मतदान गरेका हुन्। 

सिन्धुलीकै दुधौली नगरपालिका ९ मा रहेको सरस्वति मावि मतदान केन्द्रबाट किरियामा बसेका लाबहादुर बुढाथोकी, दिनेश बुढाथोकी र देबहादुर बुढाथोकीले पनि मतदान गरेका हुन्।