विराटनगर : निर्वाचन क्षेत्र नम्बर ६ को बाकस खोलेर मोरङको मत गणना सुरु भएको छ। सर्वदलिय बैठक सम्पन्न भएपछि ११ बजेदेखि मत गन्न सुरु गरिएको हो। छिटो मत सार्वजनिक गर्नका लागि प्रत्येक निर्वाचन क्षेत्रको ३–३ ओटा स्थानमा मत गणना गरिने जिल्लाका मुख्य निर्वाचन अधिकृत राजुकुमार खतिवडाले जानकारी दिए।  

मोरङ ६ मा हेविवेट नेता चुनावी भिडन्तमा छन्। वामगठबन्धनले लालबाबु पण्डित र कांग्रेसले शेखर कोइरालालाई उम्मेदवार बनाएको छ। उक्त निर्वाचनको क्षेत्रको पहिलो मत गणनाको नतिजा केहीबेरमा सार्वजनिक हुँदैछ। 

त्यसैगरी क्षेत्र नम्बर ६ र ३ को मतगणना पनि सुरु गरिएको छ। कुल ६ लाख ४४ हजार ७ सय ८२ मतदाता रहेको मोरङमा कुल ४ लाख ६८ हजार ३ सय ५६  मत खसेको छ। यो कुल मतदाताको ७६.५३ प्रतिशत मत रहेको निर्वाचन कार्यलयले जानकारी दिएको छ।