• निर्वाचन समाचार
advertisement

कर्णालीबाट मुख्यमन्त्रीका दाबेदार  तीनै जना विजयी

ललितबहादुर बुढा | शनिबार, २३ मङि्सर २०७४


सुर्खेतः कर्णालीबाट प्रदेश नम्बर ६ को मुख्यमन्त्रीका दाबेदार तीनै जना उम्मेदवारहरु विजयी भएका छन् । यो प्रदेशको भावी मुख्यमन्त्रीका लागि चर्चामा रहेका उनीहरु प्रदेशसभा सदस्यमा विजयी भएका हुन् ।

कर्णालीबाट प्रदेशको मुख्यमन्त्रीमा दाबी गर्दै आएका कांग्रेसका जीवनबहादुर शाही, माओवादी केन्द्रका नेता नरेश भण्डारी र माओवादीकै महेन्द्रबहादुर शाही प्रदेश सभा सदस्यमा निर्वाचित हुन सफल भएका हुन् ।

कांग्रेसले भावी मुख्यमन्त्रीमा प्रस्ताव गरेका जीवनबहादुर शाही हुम्लाको प्रदेश सभा (ख) बाट विजयी भएका छन् । उनले चार हजार पाँच सय १९ मत प्राप्त गरे । उनका प्रतिस्पर्धी वाम गठबन्धनका उम्मेदवार विजय भण्डारीले तीन हजार नौ सय ९३ मत प्राप्त गरेका छन् ।

कांग्रेस केन्द्रीय सदस्य तथा पूर्वपर्यटन मन्त्रीसमेत रहेका शाहीलाई यो प्रदेशमा कांग्रेसले मुख्यमन्त्रीको रुपमा अगाडि सारेको छ । भावी मुख्यमन्त्रीका दाबेदार शाही एमाले र माओवादीको वाम गठबन्धनलाई हराउँदै भावी मुख्यमन्त्रीको दौडमा आफूलाई सामेल गराउन सफल भएका हुन् ।

यस्तै कर्णालीबाटै मुख्यमन्त्रीको दाबी गर्दै आएका माओवादी नेता महेन्द्रबहादुर शाही कालिकोटको प्रदेश सभा (ख) बाट विजयी भएका छन् । उनले १२ हजार तीन सय ५३ मत प्राप्त गरे । उनका प्रतिस्पर्धी कांग्रेसका कालीबहादुर सहकारीले नौ हजार तीन सय ४२ मत प्राप्त गरेका छन् । विना विभागीय मन्त्रीसमेत रहेका महेन्द्र शाहीलाई पनि कर्णालीबाट भावी मुख्यमन्त्रीको रुपमा हेरिएको छ ।

मुख्यमन्त्रीकै आश्वासन पाएका कारण उनी प्रदेशसभाको निर्वाचनमा लडेका हुन् । उनले पनि प्रदेश सभामा विजयी भएर मुख्यमन्त्रीको लागि आफूलाई उभ्याएका छन् । निर्वातित भएपछि शाहीले यो प्रदेशको समृद्धि र विकासका लागि आफूले नेतृत्वदायी भूमिका निर्वाह गर्ने बताए ।

यस्तै जुम्लाको प्रदेश सभा (क) बाट १२ हजार पाँच सय ७४ मत प्राप्त गर्दै माओवादी केन्द्रका नेता नरेश भण्डारी विजयी भएका छन् । भण्डारीले पनि निर्वाचन अघि आफूलाई मुख्यमन्त्रीको रुपमा मत मागेका थिए । विजयी घोषणा भएसँगै भण्डारीले भने,‘अब मेरो नेतृत्वमा नै यो प्रदेश अगाडि बढ्नेछ, यो प्रदेशलाई देशकै नमूना बनाउन काम गर्नेछु । जुम्लालाई प्रदेश ६ को गृष्मकालीन राजधानी बनाइनेछ, यसका लागि मेरो मुख्य पहल रहनेछ ।’

भण्डारीका प्रतिस्पर्धी कांग्रेसका राजुसिंह कठायतले आठ हजार पाँच सय ३५ मत प्राप्त गरे । भण्डारीले पनि आफू यो प्रदेशको मुख्यमन्त्री बन्ने र कर्णालीलाई न्याय दिलाउने बताउँदै आएका छन् । कर्णालीमा मुख्यमन्त्रीको एजेण्डा लिएर निर्वाचनमा होमिएका तीनै जनाले यो प्रदेशको भावी मुख्यमन्त्री बन्ने बाटो सुरक्षित गरेका छन् ।

यस्तै यो प्रदेशमा भावी मुख्यमन्त्रीका लागि दाबेदारका रुपमा हेरिएका सुर्खेत क्षेत्र नं. २ प्रदेश सभा (क) का उम्मेदवार एमाले नेता यामलाल कँडेल र सल्यानबाट प्रदेश सभाका उम्मेदवार एमालेकै नेता प्रकाश ज्वालाको अन्तिम मत परिणाम आउन बाँकी नै छ ।

उनीहरु पनि भावी मुख्यमन्त्रीका लागि आफ्नो दाबेदारी पेश गर्दै मत मागेका थिए । यो प्रदेशको पहिलो मुख्यमन्त्री कर्णालीले नै पाउने आंकलन गरिएको छ । सुर्खेतमा प्रदेश राजधानी हुने भएपछि कर्णालीले मुख्यमन्त्री पाउनुपर्ने माग बलियो बनाउन थालेको छ ।

मुख्यमन्त्री पाएमा कर्णालीलाई न्याय हुने र विकासमा पनि एकरुपता हुने कर्णालीबाट विजयी उम्मेदवारहरुले बताउन थालेका छन् । मुख्यमन्त्रीका तीनै जना दाबेदार विजयी भएकाले पनि मुख्यमन्त्री आफूहरुले नै पाउने सम्भावना बढेको कर्णालीबासीको भनाइ छ ।

कमेन्ट गर्नुहोस्

अन्य समाचार


nepal_election_news

अब समृद्धितर्फ लाग्नुपर्छ : उपराष्ट्रपति पुन

उपराष्ट्रपति नन्दबहादुर पुनले नेपाल नयाँ युगमा प्रवेश गरेको बताएका छन्। नेपाल पुस्तक तथा स्टेसनरी व्यवसायी महासंघको आयोजनामा बिहीबारदेखि...

nepal_election_news

दाङमा समानुपातिकमा कांग्रेस पहिलो

प्रत्यक्ष निर्वाचन प्रणालीको नतिजा सार्वजनिक भएलगतै जिल्लामा सुरु भएको समानुपातिको मतगणना सम्पन्न भएको छ। प्रत्यक्षमा प्रतिनिधिसभामा कुनै सिट...

nepal_election_news

रोल्पामा समानुपातिकमा माओवादी केन्द्र पहिलो

समानुपातिकतर्प रोल्पामा नेकपा माओवादी केन्द्र पहिलो भएको छ। नेपाली कांगे्रस दोस्रो र एमाले तेस्रो भएका छन्। प्रतिनिधिसभातर्फको समानुपातिकमा...

nepal_election_news

स्याङ्जा २(ख)बाट का‌ंग्रेसका भागवतप्रकाश मल्ल विजयी

नेपाली कांग्रेसको राम्रो जिल्लाको रुपमा मानिएको स्याङ्जाको एक प्रदेशमा मात्र नेपाली कांग्रेसले विजयी हात पार्न सफल भएको छ...

nepal_election_news

तेह्रथुममा समानुपातिकमा पनि एमाले पहिलो

तेह्रथुममा समानुपातिकतर्फको मत गणना सम्पन्न भएको छ। समानुपातिक तर्फको मतको नतिजा प्रतिनिधि सभा र प्रदेश सभा  दुवैमा नेकपा...

समाचार