• निर्वाचन समाचार
advertisement

कञ्चनपुरमा वाम गठबन्धनको अग्रता, प्रतिनिधिसभा ३ मा कडा प्रतिस्पर्धा

विष्णुप्रसाद देवकोटा | आइतबार, २४ मङि्सर २०७४

प्रदेश ७ कंचनपुर


महेन्द्रनगर : प्रतिनिधिसभाका ३ र प्रदेशसभाका ६ वटा प्रदेश रहेका कञ्चनपुरमा वाम गठबन्धनले अग्रता कायमै राखेको छ। मतगणना सुरु भएदेखि कञ्चनपुरमा वाम गठबन्धनले अग्रता लिएको हो।

प्रतिनिधिसभा १ मा वाम गठबन्धनका तर्फबाट उम्मेदवार रहेकी विना मगर आफ्ना प्रतिस्पर्धीभन्दा ७ हजार बढी मतले अघि छन्। २६ हजार ६ सय ४५ सदरमत गन्दा उनले १६ हजार ४ सय ५४ मत ल्याएकी छन्। उनका प्रतिस्पर्धी कांग्रेसका दिवानसिंह विष्ट ९ हजार ८८ मत पाएका छन्। प्रदेशसभातर्फको १ मा वाम गठबन्धनका उम्मेदवार तारालामा तामाङ्ग १६ हजार ४ सय ४ मत ल्याएर अग्रस्थानमा छन्। उनका प्रतिस्पर्धी कांग्रेसका गोपाल गुरुङ्ग ७ हजार ५ सय ४८ मत ल्याएका छन्।

त्यस्तै प्रदेशसभा २ मा वाम गठबन्धनकै कुलवीर चौधरी ६ हजार ६ सय ५५ मत सहित अग्रता लिइरहेका छन्। कांग्रेसका रामलाल राना ४ हजार ६ सय ८३ मत ल्याएका छन्। प्रतिनिधिसभा २ मा वाम गठबन्धनका नरबहादुर धामी १७ हजार ९ सय ३७ मतका साथ अघि छन्। उनका प्रतिस्पर्धी कांग्रेस नेता एनपी साउँदले १४ हजार २ सय ३२ मत पाएका छन्। यस्तै प्रदेशसभा १ मा वाम गठबन्धनका महेशदत्त जोशीले १२ हजार १ सय १३ मत ल्याएका छन्। भने कांग्रेसका पुष्कर ओझाले ८ हजार १ सय २५ मत प्राप्त गरेका छन्।

प्रदेशसभा २ मा वाम गठबन्धनकै लालबहादुर खड्काले ११ हजार ८ सय ९ मत प्राप्त गरेका छन्। उनका प्रतिस्पर्धी कांग्रेसका बहादुरसिंह थापाले ८ हजार ७८ मत प्राप्त गरेका छन्। प्रतिनिधिसभा ३ मा भने वाम गठबन्धन र कांग्रेसका उम्मेदवारको कडा प्रतिस्पर्धा रहेको छ। वाम गठबन्धनका दिपकप्रकाश भट्टले अहिलेसम्म १४ हजार ५० मत ल्याएर अग्रस्थानमा छन् भने कांग्रेसका रमेश लेखक १३ हजार ७ सय ९३ मत ल्याएका छन्।

प्रदेश सभा १ मा वाम गठबन्धनका प्रकाश रावलले ३ हजार २ सय ८४ मत सहित अग्रस्थानमा छन्। कांग्रेसका यज्ञराज जोशीले ३ हजार ३० मत ल्याएका छन्। प्रदेशसभा २ मा वाम गठबन्धनका मानबहादुर सुनारले ६ हजार २ सय ३२ मत ल्याएका छन् भने कांग्रेसका बेलबहादुर रानाले ५ हजार ५ सय ७२ मत ल्याएका छन्। कञ्चनपुरका प्रतिनिधिसभाका ३ र प्रदेशसभाका ६ मा वाम गठबन्धन अग्रस्थानमा छ। सोमबारसम्म सबै क्षेत्रको मतगणना सक्ने निर्वाचन अधिकृतको कार्यालयले जनाएको छ।

कमेन्ट गर्नुहोस्

अन्य समाचार


nepal_election_news

दाङमा समानुपातिकमा कांग्रेस पहिलो

प्रत्यक्ष निर्वाचन प्रणालीको नतिजा सार्वजनिक भएलगतै जिल्लामा सुरु भएको समानुपातिको मतगणना सम्पन्न भएको छ। प्रत्यक्षमा प्रतिनिधिसभामा कुनै सिट...

nepal_election_news

स्याङ्जा २(ख)बाट का‌ंग्रेसका भागवतप्रकाश मल्ल विजयी

नेपाली कांग्रेसको राम्रो जिल्लाको रुपमा मानिएको स्याङ्जाको एक प्रदेशमा मात्र नेपाली कांग्रेसले विजयी हात पार्न सफल भएको छ...

nepal_election_news

गच्छदार र चौधरीको कडा प्रतिस्पर्धा : भगवती ६२ मतले अगाडि

सुनसरी क्षेत्र नम्बर ३ बाट वाम गठबन्धनको तर्फबाट उम्मेदवार बनेकी एमालेकी भगवती चौधरी ६२ मतले अग्रता लिएकी छन्।...

nepal_election_news

भवानी खापुङ तेह्रथुमबाट दोस्रो पटक निर्वाचित

पूर्वसांसद भवानी खापुङ तेह्रथुमबाट प्रतिनिधिसभा सदस्यमा निर्वाचित भएका छन्। भौतिक पूर्वाधार तथा यातायता राज्यमन्त्री सीता गुरुङलाई खापुङले २...

nepal_election_news

गच्छदार र चौधरीको प्रतिस्पर्धा रोचक बन्दै : १६५ मतले भगवती अगाडि

सुनसरी क्षेत्र नम्बर ३ बाट वाम गठबन्धनको तर्फबाट उम्मेदवार बनेकी एमालेकी भगवती चौधरी १ सय ६५ मतले अग्रता...

प्रदेश ७ समाचार