• निर्वाचन समाचार
advertisement

गच्छदारविरुद्ध भगवतीको अग्रता कायमै, अर्थमन्त्री कार्की विजय नजिक

रत्नप्रसाद आचार्य | आइतबार, २४ मङि्सर २०७४

प्रदेश १ सुनसरी


इनरुवा : सुनसरी क्षेत्र नम्बर ३ मा उपप्रधानमन्त्री विजयकुमार गच्छदारलाई अग्रता लिन समस्या देखिएको छ। तीन दिनदेखिको मत गणनाको परिणमअनुसार गच्छदार एमालेकी भगवती चौधरीसँगको प्रतिष्पर्धामा पछाडि परेका छन्।

पछिल्लो मत परिणमअनुसार एमालेकी भगवती चौधरीको १८ हजार ८ सय मत प्राप्त गरी अग्रस्थान कायम गरेकी छन्। गच्छदारले १७ हजार २ सय ८३ मत प्राप्त गरेका छन्। भगवती सँगको प्रतिष्पर्धामा गच्छदारले आइतबार भने मतअन्तर घटाएका छन्। आइतबार बिहानसम्म भगवतीले गच्छदारलाई २५ सय मतले पछि पारेकी थिइन्।

क्षेत्र नम्बर ३ मा कुल खसेको ८७ हजार मतमध्य आधा मत गनि सकिएको छ। अझै आधा मत गन्न्न बाँकी रहेका कारण गच्छदारले मतअन्तर घटाएर निर्वाचनको नतिजा आफ्नो पक्षमा आउने गच्छदारको दावी छ।

क्षेत्र नम्बर ४ मा भने अर्थमन्त्री तथा कांग्रेस नेता ज्ञानेन्द्र कार्की विजय नजिक पुगेका छन्। पछिल्लो मत परिणामअनुसार कार्कीले २३ हजार ९ सय ९१ मत प्राप्त गरेका छन्। उनका प्रतिष्पर्धी एमालेका रमेश श्रेष्ठले १८ हजार ६ सय २५ मत प्राप्त गरेका छन्। यस क्षेत्रमा ७५ हजार एक सय १२ मत खसेकोमा ५३ हजार ८ सय २७ मत गणना भइसकेको छ।


क्षेत्र नम्बर १ मा संघीय समाजवादी फोरमका वरिष्ठ नेता अशोककुमार राईलाई झण्डै दोब्बर मत अन्तरले पछि पार्दै एमालेका जयकुमार राईले अग्रता लिएका छन्। एमालेका जयकुमारले ३१ हजार ७ सय ८९ मत प्राप्त गरी अग्रस्थानमा देखिएका छन्। समाजवादीका अशोकले भने १६ हजार एक मत प्राप्त गरेका छन्।

क्षेत्र नम्बर २ मा कांग्रेसका सीतारम महतोले आफ्नो अग्रतालाई कायमै राखेका छन्। उनले २२ हजार ४ सय ७५ मत प्राप्त गरेका छन्। यस क्षेत्रमा माओवादी केन्द्रका डम्मरु सुवेदीले १९ हजार ९४ मत प्राप्त गरेका छन्।

प्रदेश सभातर्फ क्षेत्र नम्बर १ को (ख) मा एमालेका सचिव तथा प्रदेश एक का मुख्यमन्त्रीका दावेदार भीम आचार्यले सुरवाती अग्रता लिएका छन्। आचार्यले २हजार ७ सय ४७ मत प्राप्त गरेका छन। उनका प्रतिष्पर्धि कांग्रेसका बृद्धि कट्वालले एक हजार ५ सय ७० मत प्राप्त गरेका छन्।

क्षेत्र नम्बर २ को (क) मा एमालेका सर्वध्वज साँवाले १३ हजार ३ सय ९५ मत प्राप्त गरेका छन्। कांग्रेसका हेमकर्ण पौडेलले ११ हजार एक सय ९६ मत प्राप्त गरेका छन्। क्षेत्र नम्बर ३ को (क) मा एमालेका लिलम बस्नेतले १३ हजार ७ सय ७० मत प्राप्त गरि अग्रस्थानमा देखिएका छन्। कांग्रेसका कुमार थापाले ११ हजार ५२ मत प्राप्त गरेका छन्। 
क्षेत्र नम्बर ४ को (ख) मा कांग्रेसका ताहिर अन्सारीले एक हजार ८ सय ९१ मत प्राप्त गरेका छन्।

माओवादी केन्द्रका जापकर हुसेनले एक हजार २ सय ३७ मत प्राप्त गरेका छन् भने संघिय समाजवादीका मनोज यादवले एक हजार ३५ मत प्राप्त गरेका छन्। सुनसरी क्षेत्र नम्बर १ को (क) मा एमालेका प्रदिप भण्डारी र क्षेत्र नम्बर ४ को (ख) मा एमालेकै जगदिश कुसियत विजयी भैसकेका छन्। क्षेत्र नम्बर ३ को (ख) को मतगणना भने हुन सकेको छैन्।

कमेन्ट गर्नुहोस्

अन्य समाचार


nepal_election_news

दाङमा समानुपातिकमा कांग्रेस पहिलो

प्रत्यक्ष निर्वाचन प्रणालीको नतिजा सार्वजनिक भएलगतै जिल्लामा सुरु भएको समानुपातिको मतगणना सम्पन्न भएको छ। प्रत्यक्षमा प्रतिनिधिसभामा कुनै सिट...

nepal_election_news

स्याङ्जा २(ख)बाट का‌ंग्रेसका भागवतप्रकाश मल्ल विजयी

नेपाली कांग्रेसको राम्रो जिल्लाको रुपमा मानिएको स्याङ्जाको एक प्रदेशमा मात्र नेपाली कांग्रेसले विजयी हात पार्न सफल भएको छ...

nepal_election_news

नवलपरासीमा माओवादी केन्द्रका सबै उम्मेदवार पराजित

पूर्वी र पश्चिम नवलपरासीमा वाम गठबन्धनबाट उम्मेदवारी दिएका माओवादी केन्द्रका सबै उम्मेदवार पराजित भएका छन्। दुई जिल्लाबाट माओवादी...

nepal_election_news

कैलाली १ मा रेशम चौधरी २१ हजार मत अन्तरले विजयी

टीकापुर काण्डका प्रमुख अभियुक्त आरोपित रेशमलाल चौधरी कैलाली क्षेत्र नम्बर १ बाट प्रतिनिधिसभा सदस्यमा भारी मत अन्तरले विजयी...

nepal_election_news

पर्वत समानुपातिकमा एमाले पहिलो दल

पर्वत जिल्लामा समानुपातिक तर्फको मतगणनामा सम्पन्न भएको छ । मंगलवार बिहान सकिएको समानुपातिक तर्फको मतणनामा एमाले पहिलो दल...

nepal_election_news

सर्लाही ४ को मतगणना ३३ घण्टापछि सुरु

आइतबार मध्यरातदेखि स्थगित भएको सर्लाही क्षेत्र नम्बर ४ को मतगणना ३३ घण्टापछि मंगलबार बिहानदेखि सुरु भएको छ। विवादित...

प्रदेश १ समाचार