• निर्वाचन समाचार
advertisement

पहाडीले जित्दा उर्लिए मधेसी मतदाता

सन्तोष यादव | सोमबार, २५ मङि्सर २०७४

प्रदेश २ सिराहा निर्वाचन क्षेत्र - ३


सिरहा: क्षेत्र नम्बरको ३ को परिणाम औपचारिक रूपमा घोषणा नहुँदै वाम गठबन्धनका उम्मेदवार लीलानाथ श्रेष्ठलाई अविर, माला लगाउनेको घुइँचो लाग्यो । मतगणनास्थल वरिपरि एकछिनमै भीड लाग्यो । हजारौं जनता सडकमा उर्लिए ।

यो मधेसी मतदाता बाहुल्य क्षेत्र हो । तर, पहाडी समुदायका उनी निर्वाचित भएपछि मधेसी जनताले खुसी मनाएका छन् । सिरहा सदरमुकाममा पाँच हजारभन्दा बढीको सहभागितामा विजयी जुलुस निस्केको जनाइएको छ ।

एमाले केन्द्रीय सदस्य श्रेष्ठ २३ हजार दुई सय ७० मत ल्याएर निर्वाचित भएका हुन् । उनका निकटम प्रतिद्वन्द्वी संघीय समाजवादी फोरमका असेश्वर यादवले २१ हजार दुई सय १७ मत प्राप्त गरेका छन् । श्रेष्ठले निर्वाचित भएको घोषणालगत्तै एमालेका पूर्वसांसद हेमनारायण यादवको सालिकमा गएर माल्यार्पण गरेका थिए । उनले सञ्चारकर्मीसँग भने, ‘माछा जसरी पानीबिना बाँच्न सक्दैन । त्यसरी नै म जनताबिना बाँच्न सक्दिनँ ।' उनले जनताका हरेक चाहना पूरा हुने गरी काम गर्ने बताए ।

उनले खेत–खेतमा सिँचाइ पुर्‍याउने काम पहिलो प्राथमिकतामा राखेको बताए । भने, ‘सिँचाइ अभावमा उब्जनी हुँदैन, जसका कारण किसान ठूलो मारमा परेका छन् । त्यसैले किसानको समस्या समाधान गर्ने काम पहिलो प्राथमिकतामा राखेका छौं ।' त्यसपछि रोजगारीका लागि खाडी मुलुक पुग्ने बाध्यता अन्त्य हुने उनको भनाइ थियो । उनले जिल्लामा पछाडि परेको शिक्षा र स्वास्थ्य क्षेत्रमा पनि सुधार ल्याउने बताए ।

उनी दोस्रो संविधानसभा निर्वाचनमा क्षेत्र नम्बर ५ बाट लडेका थिए । तर, थोरै मतले उनले पराजय बेहोर्नुपरेको थियो, जसका कारण उनी एकाएक चर्चामा आएका थिए । यसपटक उनले माओवादी केन्द्रको पनि मत पाएका छन् । भने, ‘म सिरहाको उपसभापति हुँदा विकास निर्माणका धेरै काम गरेको छु । त्यही कारण जनता मलाई माया गर्छन् । त्यसैले यो निर्वाचनमा मलाई सबै पार्टीका मतदाताले मत दिएका छन् ।' उनले कहिल्यै यो वा त्यो पार्टी भनेर नछुट्याएको दाबी गर्दै अबका दिनमा झन् जनतासँगको सम्बन्ध प्रगाढ बनाउने प्रतिबद्धता जनाए ।

प्रतिनिधिसभातर्फ ४ निर्वाचन क्षेत्र रहेको रहेको सिरहामा बाँकी तीन क्षेत्रको मतगणना जारी छ । क्षेत्र नम्बर १ मा कांग्रेस नेता प्रदीप गिरी, २ मा वाम गठबन्धनका सुरेशचन्द्रदास यादव र ४ मा राजपा अध्यक्षमण्डलका सदस्य राजकिशोर यादवले अग्रता लिएका छन् ।

कमेन्ट गर्नुहोस्

अन्य समाचार


nepal_election_news

दाङमा समानुपातिकमा कांग्रेस पहिलो

प्रत्यक्ष निर्वाचन प्रणालीको नतिजा सार्वजनिक भएलगतै जिल्लामा सुरु भएको समानुपातिको मतगणना सम्पन्न भएको छ। प्रत्यक्षमा प्रतिनिधिसभामा कुनै सिट...

nepal_election_news

स्याङ्जा २(ख)बाट का‌ंग्रेसका भागवतप्रकाश मल्ल विजयी

नेपाली कांग्रेसको राम्रो जिल्लाको रुपमा मानिएको स्याङ्जाको एक प्रदेशमा मात्र नेपाली कांग्रेसले विजयी हात पार्न सफल भएको छ...

nepal_election_news

गच्छदार र चौधरीको कडा प्रतिस्पर्धा : भगवती ६२ मतले अगाडि

सुनसरी क्षेत्र नम्बर ३ बाट वाम गठबन्धनको तर्फबाट उम्मेदवार बनेकी एमालेकी भगवती चौधरी ६२ मतले अग्रता लिएकी छन्।...

nepal_election_news

भवानी खापुङ तेह्रथुमबाट दोस्रो पटक निर्वाचित

पूर्वसांसद भवानी खापुङ तेह्रथुमबाट प्रतिनिधिसभा सदस्यमा निर्वाचित भएका छन्। भौतिक पूर्वाधार तथा यातायता राज्यमन्त्री सीता गुरुङलाई खापुङले २...

nepal_election_news

गच्छदार र चौधरीको प्रतिस्पर्धा रोचक बन्दै : १६५ मतले भगवती अगाडि

सुनसरी क्षेत्र नम्बर ३ बाट वाम गठबन्धनको तर्फबाट उम्मेदवार बनेकी एमालेकी भगवती चौधरी १ सय ६५ मतले अग्रता...

प्रदेश २ समाचार