• निर्वाचन समाचार
advertisement

कैलाली ४ मा लेखराज भट्टसहित वाम गठबन्धन विजयी

शिबराज भट्ट | सोमबार, २५ मङि्सर २०७४


धनगढी :  कैलाली क्षेत्र न. ४ बाट वाम गठवन्धनका तीनै उमेदवार जितेका छन्। प्रतिनिधिसभामा माओवादी केन्द्रका स्थायी कमिटी सदस्य तथा प्रदेश नम्बर ७ का ईञ्चार्ज लेखराज भट्ट विजयी भएका छन्।

काग्रेंस उम्मेदवार सुनिल भण्डारीलाई १० हजार ३ सय ९९ मत अन्तरले हराउँदै भट्ट निर्वाचित भएका हुन्। भट्टले ३१ हजार ३५९ मत पाए भने प्रतिद्वन्द्वी सुनिल भण्डारीले २० हजार ९६० मत पाए। नेकपा माओवादी केन्द्रका पोलिटब्यूरो सदस्य तथा प्रदेश नम्बर ७ का संयोजक लेखराज भट्टको जन्म २०१६ साल चैत्र ११ मा डोटीको सविक गडसेरा गाविस-९, भएको हो। 

दशरथ र दुर्गादेवी भट्टका छोरा लेखराजले स्नातकसम्मको अध्ययन गरेका छन्। २०३० सालदेखि राजनीतिमा लागेका प्रचण्ड नेतृत्वको सरकारमा श्रम मन्त्री तथा तत्कालीन माओवादीका नेता डाक्टर बाबुराम भट्टराई नेतृत्वको सरकारमा वाणिज्य तथा आपूर्ति मन्त्री भइसकेका छन्।

२०५१ सालमा तत्कालीन नेकपा माओवादीको पूर्णकालीन सदस्य भएका भट्ट वि.सं २०५७ सालमा केन्द्रीय सदस्य हुँदै पोलिटब्यूरो सदस्य बने। तत्कालीन नेकपा (माओवादी) ले सञ्चालन गरेको सशस्त्र विद्रोहका समयमा उनी ६ महिना जेल परेका थिए। २०६४ सालको संविधानसभा चुनावमा भट्ट कैलाली क्षेत्र नम्बर ५ बाट १७ हजार ९ सय ७९ मत ल्याएर विजयी भएका थिए।

तर २०७० सालको चुनावमा भने त्यही क्षेत्रबाट नेपाली कांग्रेसका दीर्घराज भाटसँग पराजित भएका थिए। यस्तै प्रदेशसभा क बाट एमालेका जिल्ला अध्यक्ष दीर्घ सोडारी र ख बाट एमालेकै कृष्ण प्रसाद सुवेदी चुनाव जितेका छन्। 
 


 

कमेन्ट गर्नुहोस्

अन्य समाचार


nepal_election_news

अब समृद्धितर्फ लाग्नुपर्छ : उपराष्ट्रपति पुन

उपराष्ट्रपति नन्दबहादुर पुनले नेपाल नयाँ युगमा प्रवेश गरेको बताएका छन्। नेपाल पुस्तक तथा स्टेसनरी व्यवसायी महासंघको आयोजनामा बिहीबारदेखि...

nepal_election_news

दाङमा समानुपातिकमा कांग्रेस पहिलो

प्रत्यक्ष निर्वाचन प्रणालीको नतिजा सार्वजनिक भएलगतै जिल्लामा सुरु भएको समानुपातिको मतगणना सम्पन्न भएको छ। प्रत्यक्षमा प्रतिनिधिसभामा कुनै सिट...

nepal_election_news

रोल्पामा समानुपातिकमा माओवादी केन्द्र पहिलो

समानुपातिकतर्प रोल्पामा नेकपा माओवादी केन्द्र पहिलो भएको छ। नेपाली कांगे्रस दोस्रो र एमाले तेस्रो भएका छन्। प्रतिनिधिसभातर्फको समानुपातिकमा...

nepal_election_news

स्याङ्जा २(ख)बाट का‌ंग्रेसका भागवतप्रकाश मल्ल विजयी

नेपाली कांग्रेसको राम्रो जिल्लाको रुपमा मानिएको स्याङ्जाको एक प्रदेशमा मात्र नेपाली कांग्रेसले विजयी हात पार्न सफल भएको छ...

nepal_election_news

तेह्रथुममा समानुपातिकमा पनि एमाले पहिलो

तेह्रथुममा समानुपातिकतर्फको मत गणना सम्पन्न भएको छ। समानुपातिक तर्फको मतको नतिजा प्रतिनिधि सभा र प्रदेश सभा  दुवैमा नेकपा...

समाचार