• निर्वाचन समाचार
advertisement

काभ्रेको ६ वटै सिट वामको कब्जामा

श्रीराम केसी | सोमबार, २५ मङि्सर २०७४

प्रदेश ३ काभ्रेपलान्चोक


बनेपा : प्रतिनिधि र प्रदेशसभा सदस्यका लागि काभ्रेका ६ ओटै सिट वाम गठबन्दनका उम्मेदवारले विजयी हाँसिल गरेका छन्। सोमबार बिहान सार्वजनिक भएको अन्तिम मतपरिणाम अनुसार ६ ओटै सिटमा वाम गठबन्धन उम्मेदवार विजयी बनेका हुन्।

प्रतिनिधिसभा क्षेत्र नम्बर १ मा वाम गठबन्धनका साझा उम्मेदवार माओवादी केन्द्रका नेता गंगाबहादुर दोङ्ले ४३ हजार ६ सय ३१ मत ल्याएर विजयी भएका छन् उनका निकटतम प्रतिद्वन्द्वी कांग्रेसका तीर्थ लामाले ३९ हजार ६ सय ५ मत प्राप्त गरेका छन्। बमध्वज ४ हजार २६ मत बढी ल्याएर विजय हाँसिल गरेका छन्।

त्यसैगरी प्रतिनिधिसभा क्षेत्र नम्बर १ को प्रदेश क मा वाम गठबन्धनका उम्मेदवार रत्न ढकाल भारी मतका साथ विजयी भएका छन्। ढकालले २५ हजार १ सय ६ मत ल्याएर विजयी भएका छन्। उनका निकटतम प्रतिस्पर्धी नेपाली कांग्रेसका उम्मेदवार सिवी लामाले १७ हजार ८ सय ५५ मत ल्याएका छन्। ढकालले लामाको भन्दा ७ हजार २ सय ५१ बढी मत ल्याएर विजयी भएका छन्। प्रदेश २ मा वाम गठबन्धनका उम्मेदवार चन्द्र लामाले २४ हजार ४ सय ४७ मत ल्याएर विजय भएका छन्। उनका प्रतिस्पर्धी नेपाली कांग्रेसका उम्मेदवार गणेश लामाले २० हजार २ सय ७० मत ल्याएका छन्। चन्द्रले गणेशको भन्दा ४ हजार १ सय ७७ बढी मत प्राप्त गरेका छन्।

काभ्रे प्रतिनिधिसभा क्षेत्र नम्बर २ मा नेकपा एमालेका केन्द्रीय स्कुल विभागका प्रमुख गोकुल बाँस्कोटा ५४ हजार ४ सय २७ मत ल्याएर विजयी भएका छन्। उनका प्रतिस्पर्धी नेपाली कांग्रेसका जिल्ला सभापति मधु आचार्यले ३६ हजार ५ सय ७९ ल्याएका छन्। आचार्य भन्दा बास्कोटाले १७ हजार ८ सय ४८ मत बढी प्राप्त गरेको निर्वाचन कार्यालयका मुख्य निर्वाचन अधिकृत अर्जुन अधिकारीले जानकरी दिए। प्रदेश सभा (क) मा एमाले नेता लक्ष्मण लम्साल २७ हजार ६ सय २१ मत प्राप्त गरी विजय भएका छन्।

उनका प्रतिद्वन्द्वी नेपाली कांग्रेसका सुन्दरमणी आचार्यले १६ हजार ५ सय ८९ मत प्राप्त गरेका छन्। आचार्यको भन्दा लम्सालले ११ हजार ३ सय ३२ बढी मत ल्याएका छन्। प्रदेशमा (ख) मा एमालेका उम्मेदवार बसुन्धरा हुमागाई भारी मतका साथ विजयी भएका छन्। हुमगाईले २८ हजार ६ सय ७७ मत प्राप्त गरेका छन् भने उनका प्रतिस्पर्धी नेपाली कांग्रेसका नेता एवम पूर्व राज्यमन्त्री कन्चनचन्द्र बादेको भन्दा ६ हजार ८ सय ९७ बढी मत ल्याएर विजय हाँसिल गरेका छन्। बादेले २१ हजार ७ सय ८० मत प्राप्त गरेका छन्। प्रतिनिधसभा २ मा ९९ हजार ३ सय २८ मत खसेकोमा ४ हजार ९९ मत वदर भएको निर्वाचन कार्यालयले जनाएको छ।

कमेन्ट गर्नुहोस्

अन्य समाचार


nepal_election_news

दाङमा समानुपातिकमा कांग्रेस पहिलो

प्रत्यक्ष निर्वाचन प्रणालीको नतिजा सार्वजनिक भएलगतै जिल्लामा सुरु भएको समानुपातिको मतगणना सम्पन्न भएको छ। प्रत्यक्षमा प्रतिनिधिसभामा कुनै सिट...

nepal_election_news

स्याङ्जा २(ख)बाट का‌ंग्रेसका भागवतप्रकाश मल्ल विजयी

नेपाली कांग्रेसको राम्रो जिल्लाको रुपमा मानिएको स्याङ्जाको एक प्रदेशमा मात्र नेपाली कांग्रेसले विजयी हात पार्न सफल भएको छ...

nepal_election_news

गच्छदार र चौधरीको कडा प्रतिस्पर्धा : भगवती ६२ मतले अगाडि

सुनसरी क्षेत्र नम्बर ३ बाट वाम गठबन्धनको तर्फबाट उम्मेदवार बनेकी एमालेकी भगवती चौधरी ६२ मतले अग्रता लिएकी छन्।...

nepal_election_news

भवानी खापुङ तेह्रथुमबाट दोस्रो पटक निर्वाचित

पूर्वसांसद भवानी खापुङ तेह्रथुमबाट प्रतिनिधिसभा सदस्यमा निर्वाचित भएका छन्। भौतिक पूर्वाधार तथा यातायता राज्यमन्त्री सीता गुरुङलाई खापुङले २...

nepal_election_news

गच्छदार र चौधरीको प्रतिस्पर्धा रोचक बन्दै : १६५ मतले भगवती अगाडि

सुनसरी क्षेत्र नम्बर ३ बाट वाम गठबन्धनको तर्फबाट उम्मेदवार बनेकी एमालेकी भगवती चौधरी १ सय ६५ मतले अग्रता...

प्रदेश ३ समाचार