• निर्वाचन समाचार
advertisement

कैलाली १ मा रेशम चौधरी २१ हजार मत अन्तरले विजयी

शिवराज भट्ट | मङ्गलबार, २६ मङि्सर २०७४

प्रदेश ७ कैलाली निर्वाचन क्षेत्र - १


धनगढी : टीकापुर काण्डका प्रमुख अभियुक्त आरोपित रेशमलाल चौधरी कैलाली क्षेत्र नम्बर १ बाट प्रतिनिधिसभा सदस्यमा भारी मत अन्तरले विजयी भएका छन् । वाम गठबन्धनको तर्फबाट उम्मेदवार बनेकी एमाले नेतृ मदनकुमारी शाहलाई २० हजार ९ सय ३५ मत अन्तरले हराउँदै चौधरी विजयी भएका हुन् ।

राष्ट्रिय जनता पार्टी (राजपा)को तर्फबाट उम्मेदवार बनेका चौधरीले ३४ हजार ३ सय ४१ मत ल्याएका छन् भने उनकी निकटतम प्रतिद्वन्द्वी एमालेकी मदनकुमारीले १३ हजार ४ सय ६ मत मात्र पाएकी छिन् । त्यस्तै तेस्रो नम्बरमा कांग्रेसकी ईश्वरी न्यौपानेले ११ हजार २ सय ३ मत प्राप्त गरेकी छिन् ।

निर्वाचन कार्यालयले चौधरीलाई विजयी घोषणा गरेलगत्तै भारतको एक अज्ञात स्थलमा अन्नपूर्णसँग कुरा गर्दै चौधरीले वारेसमार्फत् विजयी प्रमाणपत्र दिलाई दिन मिडियाले सहयोग गर्नुपर्ने बताए ।

‘मलाई जनताले निर्दोष प्रमाणित गरिदिएका छन् । मेरो उम्मेदवारी वारेसमार्फत् नै दर्ता भएको थियो’, चौधरीले भने, ‘अब विजयी प्रमाणपत्र पनि वारेसमार्फत् नै दिलाइदिन मिडियाकर्मी साथीलाई आग्रह गर्दछु ।’ यद्यपी निर्वाचन कार्यालयले चौधरीलाई प्रमाणपत्र दिने विषयमा कुनै निर्णय गरिसकेको छैन ।

प्रतिनिधिसभा सदस्यमा निर्वाचित भइसकेको अवस्थामा अब आफू चाँडै स्वदेश फर्किने चौधरीले बताए । ‘म अब छिट्टै स्वदेश फर्किन्छु । म दोषी छैन । दोषी भए किन यत्ति धेरै मतले विजयी भए ?’, चौधरीले प्रश्न गर्दै भने, ‘टीकापुर घटनाको दोषीमाथि कारबाही हुनुपर्छ । निर्दोष जेलमा परेकालाई छोड्नुपर्छ ।’

उनले आफूलाई थारुको मात्र मत नआएको समेत प्रष्ट पारे । ‘मलाई पहिचानवादी भन्छन् । हो पहिचानवादी अन्दोलन आवश्य छ । तर, यसो भन्दैमा मलाई थारुले मात्र भोट हालेका छैनन् । पहाडी समुदायले पनि भोट हालेका छन् । त्यसैले त विजयी भएको छु ।’

मतदाताले क्षेत्र नम्बर १ को विकासको आशासहित आफूलाई मत दिएको उनको भनाइ छ । चौधरीले चुनाव प्रचारमा आफू सहभागी हुन नसक्दा मोबाइलमा भाषण रेकर्ड गर्दै म्यासेन्जरमा श्रीमतीलाई पठाएर त्यो भाषण मतदातालाई देखाएको समेत खुलासा गरे । मत माग्ने भूमिगत शैलीबारे चौधरीले भने, ‘म चुनाव प्रचारप्रसारमा गइनँ । मोबाइलमा रेकर्ड गरेर भाषण श्रीमती रञ्जिताको म्यासेन्जरमा पठाउथेँ । उनले मतदातालाई देखाउथिन् ।’ 

भारी मत अन्तरले विजयी चौधरी २०७२ भदौ ७ गते  टीकापुरको चिलम चौराहामा दुईबर्से बालक र आठ सुरक्षाकर्मीको ज्यान जाने गरी भएको घटनामा मुछिएका ‘कर्तव्य ज्यान’ मुद्दाका मुख्य अभियुक्त हुन् । टीकापुर नरसंहारको घटनापछि चौधरी भारतमै लुकेर बसेका छन्  ।

कमेन्ट गर्नुहोस्

अन्य समाचार


nepal_election_news

दाङमा समानुपातिकमा कांग्रेस पहिलो

प्रत्यक्ष निर्वाचन प्रणालीको नतिजा सार्वजनिक भएलगतै जिल्लामा सुरु भएको समानुपातिको मतगणना सम्पन्न भएको छ। प्रत्यक्षमा प्रतिनिधिसभामा कुनै सिट...

nepal_election_news

स्याङ्जा २(ख)बाट का‌ंग्रेसका भागवतप्रकाश मल्ल विजयी

नेपाली कांग्रेसको राम्रो जिल्लाको रुपमा मानिएको स्याङ्जाको एक प्रदेशमा मात्र नेपाली कांग्रेसले विजयी हात पार्न सफल भएको छ...

nepal_election_news

गच्छदार र चौधरीको कडा प्रतिस्पर्धा : भगवती ६२ मतले अगाडि

सुनसरी क्षेत्र नम्बर ३ बाट वाम गठबन्धनको तर्फबाट उम्मेदवार बनेकी एमालेकी भगवती चौधरी ६२ मतले अग्रता लिएकी छन्।...

nepal_election_news

भवानी खापुङ तेह्रथुमबाट दोस्रो पटक निर्वाचित

पूर्वसांसद भवानी खापुङ तेह्रथुमबाट प्रतिनिधिसभा सदस्यमा निर्वाचित भएका छन्। भौतिक पूर्वाधार तथा यातायता राज्यमन्त्री सीता गुरुङलाई खापुङले २...

nepal_election_news

गच्छदार र चौधरीको प्रतिस्पर्धा रोचक बन्दै : १६५ मतले भगवती अगाडि

सुनसरी क्षेत्र नम्बर ३ बाट वाम गठबन्धनको तर्फबाट उम्मेदवार बनेकी एमालेकी भगवती चौधरी १ सय ६५ मतले अग्रता...

प्रदेश ७ समाचार